ಇಸ್ರೇಲ್-ಹಮಾಸ್ ಸಂಘರ್ಷಪೀಡಿತ ಗಾಜಾದಲ್ಲಿ ಸೋಮವಾರ ಭಾರತೀಯ ಮೂಲದ ವಿಶ್ವಸಂಸ್ಥೆಯ ಸಿಬ್ಬಂದಿಯೊಬ್ಬರು ಮೃತಪಟ್ಟಿದ್ದಾರೆ. ರಾಫಾದಲ್ಲಿ ವಾಹನದ ಮೇಲೆ ನಡೆದ ದಾಳಿಯಲ್ಲಿ ವಿಶ್ವಸಂಸ್ಥೆಯ ಓರ್ವ ಸಿಬ್ಬಂದಿ ಬಲಿಯಾದರೆ, ಮತ್ತೋರ್ವ ಗಾಯಗೊಂಡಿದ್ದಾರೆ.

ಮೃತ ಭಾರತೀಯ ಮೂಲದ ವ್ಯಕ್ತಿಯು ವಿಶ್ವಸಂಸ್ಥೆಯ ಭದ್ರತಾ ಮತ್ತು ಸುರಕ್ಷತಾ ವಿಭಾಗದಲ್ಲಿ ಕೆಲಸ ನಿರ್ವಹಿಸುತ್ತಿದ್ದರು. ಇವರು ಭಾರತದ ಮಾಜಿ ಯೋಧ ಕೂಡಾ ಹೌದು. ಆದರೆ ಗುರುತು ಬಹಿರಂಗವಾಗಿಲ್ಲ ಎಂದು ಮೂಲಗಳು ತಿಳಿಸಿವೆ.

ಗಾಜಾದಲ್ಲಿ ಮೃತಪಟ್ಟ ವಿಶ್ವಸಂಸ್ಥೆಯ ಮೊದಲ ಸಿಬ್ಬಂದಿ: 2023ರ ಅಕ್ಟೋಬರ್ 7ರಿಂದ ಇಸ್ರೇಲ್-ಹಮಾಸ್ ಸಂಘರ್ಷ ಆರಂಭವಾದ ಬಳಿಕ ಗಾಜಾದಲ್ಲಿ ಮೃತಪಟ್ಟ ವಿಶ್ವಸಂಸ್ಥೆಯ ಮೊದಲ ಅಂತಾರಾಷ್ಟ್ರೀಯ ಸಿಬ್ಬಂದಿ ಇವರಾಗಿದ್ದಾರೆ.