ನವದೆಹಲಿ: ಹಿರಿಯ ನಟ ವಿಜಯ್ ಕದಂ ನಿಧನರಾಗಿದ್ದಾರೆ. ಕಳೆದ ಒಂದರಿಂದ ಒಂದೂವರೆ ವರ್ಷಗಳಿಂದ ಅವರು ಕ್ಯಾನ್ಸರ್‌ ಕಾಯಿಲೆಯಿಂದ ಬಳಲುತ್ತಿದ್ದರು ಇಂದು ನಿಧನರಾಗಿದ್ದಾರೆ.

ಅವರ ನಿಧನದಿಂದ ಮರಾಠಿ ಉದ್ಯಮದಲ್ಲಿ ಶೋಕ ಮಡುಗಟ್ಟಿದೆ. ಕೆಲವು ತಿಂಗಳ ಹಿಂದಷ್ಟೇ ವಿಜಯ್​ ಅವರು ತಮ್ಮ ಕ್ಯಾನ್ಸರ್ ಚಿಕಿತ್ಸೆಯ ಬಗ್ಗೆ ಮಾತಾಡಿದ್ದರು. ಸಾಮಾನ್ಯ ಜನರು ಕ್ಯಾನ್ಸರ್‌ನಂತಹ ಕಾಯಿಲೆಯೊಂದಿಗೆ ಹೋರಾಡುವುದು ಎಷ್ಟು ಕಷ್ಟ ಎಂಬುದನ್ನು ಅಭಿಮಾನಿಗಳಿಗೆ ತಿಳಿಸಿದ್ರು. ಇದೀಗ ನಟ ವಿಜಯ್ ಕ್ಯಾನ್ಸರ್ ವಿರುದ್ಧದ ಹೋರಾಟದಲ್ಲಿ ಸೋತಿದ್ದಾರೆ.   

ಮರಾಠಿ ಚಲನಚಿತ್ರಗಳಲ್ಲಿ ನಟಿಸಿದ್ದ ವಿಜಯ್​!

ವಿಜಯ್ ಕದಂ ಅನೇಕ ಮರಾಠಿ ಚಲನಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಅವರ ನಿಧನದಿಂದ ಮರಾಠಿ ಚಿತ್ರರಂಗದಲ್ಲಿ ಶೋಕ ಮಡುಗಟ್ಟಿದೆ. 1980-90ರ ದಶಕದಲ್ಲಿ ವಿಜಯ್ ಕದಂ ಅವರು ಹಲವು  ಚಿತ್ರಗಳಲ್ಲಿ ನಟಿಸಿದ್ದರು. ಕಾಮಿಡಿ ಸ್ಟಾರ್​ ಆಗಿ ಸಿನಿಮಾಗಳಲ್ಲಿ ಮಿಂಚಿದ್ರು.  ಮರಾಠಿ ಚಿತ್ರರಂಗದಲ್ಲೊಇ ಬಹುಮುಖ ನಟ ಎಂದು ಹೆಸರಾಗಿದ್ದರು.

ಸೀರಿಯಲ್​ಗಳಲ್ಲಿಯೂ ಮಿಂಚಿದ್ದ ವಿಜಯ್​

ಮರಾಠಿ ಚಿತ್ರರಂಗದಲ್ಲಿ ಮಾತ್ರವಲ್ಲ, ವಿಜಯ್ ಕದಂ ಮರಾಠಿ ರಂಗಭೂಮಿಯನ್ನೂ ಚಿರಪರಿಚಿತರು. ಅವರು ಅನೇಕ ಹಿಟ್ ಧಾರಾವಾಹಿಗಳಲ್ಲಿ ಕೆಲಸ ಮಾಡಿದ್ದಾರೆ. ಪ್ರವಾಸ, ಸಾಹಿ ದೇ ಸಾಹಿ, ವಿಚ್ಚಾ ಮಾಝಿ ಪುರಿ ಕರಾ, ಪಾಪ ಸಂಗ ಕುನಾಚೆ ಇವರ ಅತ್ಯಂತ ಜನಪ್ರಿಯ ಸೀರಿಯಲ್​ ಆಗಿದೆ. ತೇ ಪ್ರಧಾರ್ ಆಲಿಯೇ ಅವರ ಕೊನೆಯ ಧಾರಾವಾಹಿ. ಈ ಧಾರಾವಾಹಿಯಲ್ಲಿ ಅವರು ಬಾಬುರಾವ್ ತಾಂಡೇಲ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ವಿಜಯ್ ಕದಂ ಹಲವು ವರ್ಷಗಳ ನಂತರ ಈ ಧಾರಾವಾಹಿಯಲ್ಲಿ ಪ್ರೇಕ್ಷಕರ ಮುಂದೆ ಬಂದಿದ್ದರು