ಸ್ಯಾಂಡಲ್​ವುಡ್‌ ಅಲ್ಲಿ ಡಿಂಪಲ್‌ ಕ್ವೀನ್‌ ಅಂದ್ರೆ ಯಾರಿಗ್ತಾನೆ ಗೊತ್ತಿಲ್ಲ.. ಚಂದನವನದ ಸುಂದ್ರಿ, ಡಿಂಪಲ್‌ ಕ್ವೀನ್‌, ಬುಲ್‌ಬುಲ್‌ ಬೆಡಗಿ, ಅಭಿಮಾನಿಗಳ ರಚ್ಚು ಚಂದನವನಕ್ಕೆ ಎಂಟ್ರಿ ಕೊಟ್ಟಿದ್ದು ತಮ್ಮ ನೆಚ್ಚಿನ ನಾಯಕ ನಟ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಜೊತೆ ಬುಲ್‌ಬುಲ್‌ ಸಿನಿಮಾದ ಮೂಲಕ. ಬಹು ಬೇಡಿಕೆ ನಟಿ ರಚಿತಾ ರಾಮ್ ಈ ವರ್ಷ ಹುಟ್ಟುಹಬ್ಬ ಆಚರಿಸಿಕೊಳ್ಳೋದಿಲ್ಲ ಎಂದು ಅನೌನ್ಸ್‌ ಮಾಡಿದ್ದು, ರಚ್ಚು ಅಭಿಮಾನಿಗಳಿಗೆ ಬೇಸರವಾಗಿದೆ. ನಟ ದರ್ಶನ್ ಅವರನ್ನು ತಮ್ಮ ಗುರುಗಳು ಎಂದೇ ಕರೆಯೋ ರಚಿತಾ ರಾಮ್, ದರ್ಶನ್ ಜೈಲು ಸೇರಿದ ಹಿನ್ನೆಲೆ ಬರ್ತ್ ಡೇ ಸೆಲೆಬ್ರೇಷನ್‌ಗೆ ಬ್ರೇಕ್ ಹಾಕಿದ್ರಾ ಎನ್ನುವ ಪ್ರಶ್ನೆ ಉದ್ಭವಿಸಿದೆ.

ಚಂದನವನದ ಬೆಡಗಿ ರಚಿತಾ ರಾಮ್ ಅವರ ಹುಟ್ಟುಹಬ್ಬ ಇದೇ ಅಕ್ಟೋಬರ್ 3ರಂದು. ಆದರೆ ತಮ್ಮ ಗುರುಗಳು ಜೈಲಿನಲ್ಲಿರುವ ಕಾರಣ ಈ ವರ್ಷ ಬರ್ತ್ ಡೇ ಸೆಲೆಬ್ರೇಷನ್ ಮಾಡಿಕೊಳ್ಳೋದಿಲ್ಲ ಎಂದು ಈ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ.

ಪೋಸ್ಟ್‌ ಅಲ್ಲಿ ಏನಿದೆ.?

ನಟಿ ರಚಿತಾ ರಾಮ್ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಅನ್ನು ಶೇರ್ ಮಾಡಿ ಕ್ಷಮೆ ಯಾಚಿಸಿ ಅದರಲ್ಲಿ ಬರ್ತ್‌ ಡೇ ಬಗ್ಗೆ ಹೀಗೆ ಹೇಳಿದ್ದಾರೆ…  “ಎಲ್ಲರೂ ಚೆನ್ನಾಗಿದ್ದೀರಾ ಎಂದು ಭಾವಿಸುತ್ತಾ, ಈ ಬಾರಿ ಚಿತ್ರೀಕರಣ ಇರುವುದರಿಂದ ನನ್ನ ಹುಟ್ಟುಹಬ್ಬದ ಆಚರಣೆಯನ್ನು ನಾನು ಮಾಡಿಕೊಳ್ಳೋದಿಲ್ಲ ಎಂದು ಹೇಳಲು ಇಚ್ಚಿಸುತ್ತೇನೆ. ಎಲ್ಲರಿಗೂ ಕ್ಷಮೆಯಾಚಿಸುತ್ತಾ, ಎಂದಿನಂತೆ ಪ್ರತಿ ಭಾನುವಾರ ಚಿತ್ರೀಕರಣ ಮುಗಿಸಿ ಬಂದ ನಂತರ ಸಿಗುತ್ತೇನೆ… ನಿಮ್ಮ ಪ್ರೀತಿಯ ರಚ್ಚು” ಎಂದು ಬರೆದಿದ್ದಾರೆ.