ಬೆಂಗಳೂರು : ನಟ ದರ್ಶನ್‌‌ಗೆ 131 ದಿನಗಳ ಬಳಿಕ ಮಧ್ಯಂತರ ಜಾಮೀನು ಸಿಕ್ಕಿದೆ. ಈ ವಿಚಾರ ತಿಳಿದು ದರ್ಶನ್ ಸಂತೋಷ ಗೊಂಡಿದ್ದಾರೆ ,ಮಧ್ಯಂತರ ಜಾಮೀನು ಪ್ರತಿ ಬಳ್ಳಾರಿ ಜೈಲು ಸೇರುತ್ತಿದ್ದಂತೆ ದರ್ಶನ್ ಬಿಡುಗಡೆಯಾಗಿದ್ದಾರೆ.

ದರ್ಶನ್‌‌ಗೆ ಬೇಲ್ ಸಿಕ್ಕ ವಿಚಾರ ತಿಳಿಯುತ್ತಿದ್ದಂತೆ ಮಧ್ಯಂತರ ಜಾಮೀನು ಆಗಿದ್ರೂ ಅಭಿಮಾನಿಗಳ ಸಂತಸಕ್ಕೆ ಪಾರವೇ ಇಲ್ಲದಂತಾಗಿದೆ. ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸುತ್ತಿದ್ದಾರೆ. ಇನ್ನೂ ಕೆಲ ಅಭಿಮಾನಿಗಳು ಬಳ್ಳಾರಿ ಜೈಲಿಗೆ ಆಗಮಿಸಿ ದರ್ಶನ್‌ಗೆ ಜೈಕಾರ ಹಾಕುತ್ತಿದ್ದಾರೆ. ಸಾವಿರಾರು ಸಂಖ್ಯೆಯಲ್ಲಿ ಅಭಿಮಾನಿಗಳು ಅಲ್ಲಿ ಸೇರುವ ಸಾಧ್ಯತೆ ಇದೆ.

ನಟ ದರ್ಶನ್‌‌ಗೆ ಮಧ್ಯಂತರ ಬೇಲ್ ಸಿಗುತ್ತಿದ್ದಂತೆ ಅಭಿಮಾನಿಗಳ ಸಂಭ್ರಮ ಮುಗಿಲುಮುಟ್ಟಿದೆ. ದರ್ಶನ್ RR ನಗರ ನಿವಾಸದ ಮುಂದೆ ಅಭಿಮಾನಿಗಳು ಜಮಾಯಿಸುತ್ತಿದ್ದಾರೆ. ಹೀಗಾಗಿ ದರ್ಶನ್ ಮನೆ ಮುಂದೆ ಬೋರ್ಡ್ ಹಾಕಲಾಗಿದೆ. RR ನಗರದ ದರ್ಶನ್ ನಿವಾಸದಲ್ಲಿ ಕ್ಲೀನಿಂಗ್ ಕೆಲಸ ಶುರುವಾಗಿದೆ. ಅಭಿಮಾನಿಗಳು ಕೂಡ ಇಲ್ಲಿಗೆ ಆಗಮಿಸುತ್ತಿದ್ದಾರೆ. ದರ್ಶನ್ ಇಲ್ಲಿಗೆ ಬಂದ್ರೆ ನೋಡೋಣ ಅನ್ನೋ ಖುಷಿಯಲ್ಲಿದ್ದಾರೆ.

“ಆದರೆ ದರ್ಶನ್ ಅವರ ಮನೆ ಮುಂದೆ ಇಲ್ಲಿ ಯಾರು ನಿಂತುಕೊಳ್ಳುವಂತಿಲ್ಲ, ವಾಹನವನ್ನೂ ನಿಲ್ಲಿಸುವಂತಿಲ್ಲ ಅನ್ನೋ ಬೋರ್ಡ್ ಬಿದ್ದಿದೆ”. ಇಷ್ಟು ದಿನ ದರ್ಶನ್ ಮನೆಯಲ್ಲಿರದ ಕಾರಣ ಈ ಬೋರ್ಡ್ ಇರಲಿಲ್ಲ. ಈಗ ಮತ್ತೆ ಈ ಬೋರ್ಡ್ ಹಾಕಲಾಗಿದೆ. ಸಾಕಷ್ಟು ಮಂದಿ ಜೈಲಿನ ಮುಂದೆ ಸೇರಲಿದ್ದಾರೆ. ಇನ್ನೂ ದರ್ಶನ್ ರಿಲೀಸ್ ಆಗುವ ಸಂದರ್ಭದಲ್ಲಿ ನೂಕನುಗ್ಗಲು ಶುರುವಾಗಬಹುದು. ದರ್ಶನ್ ನೋಡುವ ಉತ್ಸಾಹದಲ್ಲಿ ಅವರ ಅಭಿಮಾನಿಗಳಿದ್ದಾರೆ. ಈ ವೇಳೆ ಬಳ್ಳಾರಿ ಜೈಲಿನ ಮುಂದೆ ಹೈಡ್ರಾಮ ನಡೆಯುತ್ತಾ ಅನ್ನೋ ಪ್ರಶ್ನೆ ಎದ್ದಿದೆ.